Lajme Nga Sporti

[Maxi]

Zёvendёsuesi i mundshёm i Adebayor, Roque Santa Cruz

Wenger i gatshёm tё gjejё zёvendёsim pёr Adebayor

Menaxheri i Arsenalit, Arsene Wenger, ёshtё i gatshёm tё harxhojё para tё mёdha pёr tё sjellё njё sulmues tё ri nё Emirates. Sipas Mail on Sunday, qё i referohet disa burimeve nga klubi, Wengeri ёshtё i gatshёm t’i japё fund ndjekjes sё tё rinjve dhe tё harxhojё para tё mёdha nё afatin kalimtar tё janarit.

Wenger thuhet se i ka tё gatshme 20 milionё funte pёr t’i harxhuar nё njё sulmues me pёrvojё, qё do tё mund tё zёvendёsonte Emmanuel Adebayor, e ardhmja e tё cilit vazhdon tё jetё e dyshimtё.

Roque Santa Cruz ishte lojtari me tё cilin Arsenali u lidh gjatё verёs, kur Adebayor pritej t’i bashkohej Barcelonёs.

Pavarёsisht interesimit nga Manchester City, sulmuesi i Blackburnit ka bёrё tё qartё se do tё dëshironte njё klub qё gjendjet nё pjesën e sipërme tё tabelës dhe lufton pёr tituj, siç ёshtё Arsenali.

[Maxi]

Alessandro Del Piero, golashënuesi më i mirë i vitit 2008 në Serie A
Juventus mban hapin

Një ndeshje e bukur është zhvilluar në “Stadio Atleti Azzurri d'Italia” të Bergamos ndërmjet Atalantës dhe Juventusit, ku skuadra mysafire ka shënuar fitore komode me rezultat 3-1. Golin e parë në ndeshje e shënoi kapiteni i bardhezinjve, Alessandro Del Piero (30’). Ky ishte goli i njëzet i Del Pieros këtë vit, i cili me këtë gol shpallet golashënuesi më i mirë për vitin 2008 në Serie A.

Në minutën e 38-të, mbrojtësi Nicola Legrottaglie e dyfishoi epërsinë pas një krosimi nga këndi të ekzekutuar nga Del Piero, dhe me këtë rezultat skuadrat shkuan në pushim.

Me të filluar pjesa e dytë (48’), lojtari i porsa inkuadruar në lojë, veterani Christian Vieri, ngushtoi epërsinë në 2-1. Pas këtij goli skuadra vendasi mori zemër dhe dominoi një pjesë të lojës, mirëpo duke mos arritur të barazonte.

Nga ana tjetër, Juventusi shënoi edhe golin e tretë me anë të Amaurit (82’), pas një krosimi të Marchionit nga gjuajtja e lirë. Ky ishte goli i nëntëmbëdhjetë i Amaurit për vitin 2008, me ç’rast mbetet një gol pas partnerit të tij në sulm Del Piero dhe një gol para sulmuesit të Interit Zlatan Ibrahimovic, i cili ka shënuar tetëmbëdhjetë gola gjatë vitit që po e lëmë pas.

[Maxi]

Reali i Madridit, në sulm për Arsen Venger

Spanjollët kërkojnë ringritjen e akademisë së klubit, e cila nuk promovon më talente


Reali i Madridit është vënë në ndjekje të Arsen Venger. Sipas "News of the World", gjigandët spanjollë kërkojnë që trajneri i Arsenalit të bëhet drejtuesi i ri i stolit në "Santiago Bernabeu" në sezonin e ardhshëm. Së fundmi, "merengues" prezantuan ish-trajnerin e Totenhemit, Huande Ramos në postin e teknikut, pas largimit të gjermanit Bernd Shuster. Ramos është nën kontratë deri në fund të sezonit, ndërkohë që bordi drejtues i Realit duket se nuk preferon t‘i ofrojë një marrëveshje afatgjatë. Lajmi se kampionët e Spanjës kërkojnë Venger mund të duket disi i çuditshëm, edhe për faktin se francezi nuk ka fituar asnjë trofe me "topçinjtë", që prej vitit 2005. Megjithatë, ndjekja e drejtuesit të stolit të Arsenalit shkon përtej lavdisë dhe titujve. Ai është i famshëm për mbështetjen e talenteve të reja, duke provomuar lojtarë si Çesk Fabregas, Geal Klishi apo Teo Uallkot. Venger ka preferuar t‘u japë një shans këtyre futbollistëve që në moshë të vogël, në vend që të shpenzonte shifra marramendëse për yje të njohur në arenën ndërkombëtare. Drejtuesit madrilenë janë kritikuar më së shumti për faktin se Akademia e klubit thuajse nuk funksionon, pasi prej shumë kohësh nuk kanë dalë lojtarë të talentuar. Presidenti Ramon Kalderon nuk e ka fshehur zhgënjimin për mungesën e futbollistëve "Made in Real", duke shtyrë Mishel që të japë dorëheqjen nga posti i drejtorit të ekipeve zinxhir. Gjithsesi, shanset që Venger të largohet nga Arsenali janë të pakta, edhe sepse kontrata e tij në "Emirates" skadon në vitin 2011.

[Maxi]

Çelsi nuk i ndahet sllovakut Hamsik



Çelsi nuk ka hequr dorë nga synimi për të blerë Marek Hamsik. Klubi londinez kërkon me patjetër yllin e mesfushës së Napolit, por duhet të presë të paktën deri në verën e ardhshme, përpara se të tentojë të fillojë bisedimet me klubin italian. Përkrah argjentinasit Ezekuel Laveci, sllovaku është shndërruar në një prej pikave të forta të "axurrëve". Hamsik u afrua te napoletanët në verë të 2007-ës, për një shifër të afërt me 12 milionë euro. Por, me paraqitjet në Serinë A, vlera e kartonit të tij është rritur ndjeshëm, edhe sepse tashmë kanë filluar të interesohen disa prej klubeve më të mëdha evropiane.

Murinjo: Adriano? Largimi mund ta ndihmojë



Adriano mbetet problemi kryesor i një sezoni që deri më tani ka qenë thuajse perfekt për Interin. Por, pas shumë javëve pritje, tashmë Hoze Murinjo nuk fshihet më. Tekniku zikaltër e largon sulmuesin përpara hapjes së merkatos së janarit, duke thënë se ndryshimi i ambientit mund t‘i shërbejë brazilianit. "Nëse nuk do të ndryshojë imazhin që ka krijuar për veten, do ta ketë shumë të vështirë. Kjo është arsyeja përse besoj se ndryshimi i ambientit mund të jetë pozitiv për të", tha Murinjo. "Për të qenë një profesionist i shkëlqyer, një lojtar nuk ka nevojë që të kontrollohet nga trajneri. Por, Adrianos i duhet një ‘tutor‘".

[Maxi]

Lassana Diarra

Lassana Diarra: Është nder të luaj për Realin

Transferi më i ri i Real Madridit, Lassana Diarra, është prezantuar pasditen e sotme para tifozëve në Bernabeu, me ç’rast francezi është shprehur se mezi pret të luajë për Mbretërit. “Është nder të luash për Real Madridin. Shpresoj që do të paraqitem më së miri që mundem në fushë dhe do të luaj në nivelin tim maksimal”, është shprehur Lassana.

Ndërkohë presidenti i Realit, Ramon Calderon, e ka përshkruar atë si “lojtar i ri me një të ardhme të ndritshme, i cili do të jetë me neve për shumë vite”.

Mësohet në fanellën e tij do të shkruajë ‘Lass’ me qëllim që të mos përzihen emrat me Mahamadou Diarran

[Maxi]

John Terry,

Terry: Nuk kemi nevojë për lojtarë të rinj

Kapiteni i Chelseat, John Terry, ka mbështetur vendimin e drejtuesve të skuadrës duke u shprehur se Blutë nuk kanë nevojë për lojtarë të rinj. “Nuk kemi nevojë për lojtarë të rinj, por shpresoj se dy ose tre lojtarë do të kthehen nga lëndimet dhe ata do të luajnë një rol shumë të rëndësishëm në skuadër sikur të ishin përforcime të reja”.

“Ne kemi lojtarë shumë të mirë në skuadër, ndërsa unë dhe Lampard përkujdesemi për ta ruajtur shpirtin e Chelseat, sidomos në rastet kur humbim ose kur barazojmë”, është shprehur kapiteni i Bluve


Fabio Capello,

Capello beson te Juventus

Ish-trajneri i Juventusit dhe përzgjedhësi aktual i Anglisë, Fabio Capello, beson se Zonja e Vjetër do ta sfidojë Interin deri në fund të Kampionatit. Bianconerët e përfunduan vitin 2008 me fitore, por të njëjtën gjë e bëri edhe Interi, me ç’rast vazhdon të mbetet në krye të tabelës me gjashtë pikë më shumë se bardhezinjtë.

“Juve është rivali i vetëm i Interit. Megjithatë, Nerazzurët kanë një skuadër të shkëlqyer dhe i kanë të gjitha mundësitë për ta fituar Kampionatin”.

“Pavarësisht kësaj, Juventus është në formë shumë të mirë dhe do të luftojë deri në fund për t’ia rrëmbyer titullin Interit”, ka thënë trajneri italian.

[Maxi]

Milani tani tenton Kanavaron
25 Dhjetor Drejtuesit e Milanit janë hedhur në sulm për të përforcuar repartin e mbrojtjes. Emri i parë dhe më i pëlqyeshmi është ai i Fabio Kanavaros. Mbrojtësi italian është në përfundim të kontratës së tij me Realin e Madridit, një siotuatë kjo shumë e favorshme për Milanin, i cili mund të nisë tratativat që në muajin janar. Sipas asaj që bën të ditur e përditshmja italiane “Corriere dello Sport”, drejtuesit e klubit madrilen nuk kanë ndërmend t’i rinovojnë kontratën Kanavaros, kështu që Milani mund të jetë klubi që mund të përfitojë nga kjo situatë. Në fillim, kampioni i botës me Italinë në 2006, do të presë lëvizjet e skuadrës milaneze dhe ofertat që mund t’i vijnë nga klube të tjera dhe më pas do të vendosë për të ardhmen e tij. Në anën tjetër, pasi ka arritur blerjen e Tiago Silvas dhe huazimin e Devid Bekamit, në Milano po përgatiten për një tjetër goditje të madhe në merkato. Kanavaro, tashmë 35 vjeç, është një ndër mbrojtësat më të preferuar në Itali. Ka luajtur më parë me Parmën dhe Juventusin, por skandali i futbollit italian e largoi atë për te Reali, skuadër me të cilën është në vitin e fundit të kontratës. Për momentin, drejtuesit e Milanit do të kërkojnë ta marrin Kanavaron me parametra zero, pra, pas shpenzuar asnjë euro, megjithatë gjithçka do të varet nga dëshira e lojtarit.

[Maxi]

Menaxheri i Aston Villas, Martin ONeill

ONeill: Arsenal do tё kërkojё hakmarrje

Menaxheri i Aston Villas, Martin O'Neill, ka porositur ekipin e tij tё jetё i vёmendshёm nё ndeshjen ndaj Arsenalit, pasi topçinjtë do tё kёrkojnё hakmarrje. O'Neill ndjen se Arsenali do tё jetё njё kundërshtar i rrezikshëm pёr Aston Villan, duke kërkuar kundёrpёrgjigje pёr humbjen prej 2-0 nё Emirates, gjashtё javё mё parё.

“Mendoj se Arsenali përfundimisht do tё kërkojё hakmarrje, nuk dyshoj pёr kёtё. Ështё interesante se pavarёsisht se ne jemi tre pikё mbi ta pёr momentin, ata nuk e konsiderojnë veten jashtë gare, dhe as ne”, ka thёnё O’Neill.

“Ju mund tё thoni se ata nuk kanё fituar asgjë sё fundi, por ata kanё histori tё fitoreve nё dekadën e fundit andaj asgjë nuk përjashtohet. Ata mposhtёn Chelsean, mposhtёn Manchesterin dhe luajtën me Liverpoolin me dhjetё lojtarё”, ka shtuar trajneri.

Villa aktualisht ёshtё nё vendin e tretё tё tabelës me 34 pikё, tre para Arsenalit nё vendin e pestё dhe pesё prapa Liverpoolit qё mban kreun.

[Maxi]

Momo Sissoko,

Secco: Harrojeni Sissokon

Drejtori sportiv i Juventusit, Alessio Secco, e ka lëvduar mesfushorin Momo Sissoko dhe i ka thënë Real Madridit që të mos ëndërrojë se mund ta transferojë atë në janar. Sissoko erdhi te bardhezinjtë nga Liverpooli për 11 milionë euro dhe shumë shpejt është bërë njëri nga heronjtë e Zonjës së Vjetër.

Mediat kanë spekuluar se gjiganti spanjoll, Real Madrid, dëshiron ta transferojnë në Bernabeu lojtarin nga Mali, ndërsa Secco ka shuar çdo shpresë për ndonjë kalim të mundshëm të mesfushorit te Mbretërit.

“E di se Reali e dëshiron Sissokon, mirëpo edhe ne e duam. Ai nuk është në shitje. Ai vlen afër 20 milionë euro, mirëpo nuk ka nevojë të bisedohet për çmim, pasi që nuk asnjë shans që të largohet në janar. Momo meriton një çmim për paraqitjet e tija këtë vit”, ka thënë Secco për “Tuttosport

[Maxi]

Përforcimi i ri i Benficas, Jose Antonio Reyes


Benfica nënshkruan kontratë të përhershme me Reyes

Klubi portugez, Benfica, ka nënshkruar kontratë të përhershme me sulmuesin e Atletico Madrid, Jose Antonio Reyes. Ish-lojtari i Arsenalit dhe Real Madridit iu bashkua Benficas si huazim në fillim të sezonit dhe duket se ka bërë mjaft për të fituar një transferim të përhershëm.

Reyes ka nënshkruar kontratë katërvjeçare e gjysmë me klubin portugez, për të cilën kontratë Benfica pagoi 6 milionë funte.